Anything Under the Sun

by: Jenny Mae S. Saldaña

Ang akda ni Jose Rizal na pinamagatang " El Filibusterismo" ay sumasalamin sa pagmamalabis na ginawa ng mga prayle sa mangmang at walang alam na mga Pilipino. Ginamit nila ang kanilang mga kapangyarihan upang mapasailalim at mapasunod nila ang mga Pilipino sa kanilang mga kagustuhan. At dahil sa takot na naramdaman ng mga Indiyo ay hindi sila gumawa at nag-isip ng paraan upang mapalaya sa anino ng kalupitan ng mga kastila. Ang aking saloobin tungkol sa nobela ay galit, habag at pagkamangha. Galit, para sa mga prayle na lumapastangan sa dignidad ng mga kababaihan, at tumapak sa prinsipyo ng bawat Pilipino. Habag, para sa mga taong mas pinili na mahalin ang kultura ng mga dayuhang kastila at nagtakwil sa sariling bayan. Pagkamangha, para sa mga taong nagbuwis ng buhay para sa bayan. Nabigyang buhay ng mga tauhan lalung-lao na ang mag-aalahas na si Simuon, Basilio, mag-aaral na si Placido Penitente, tulisan na si Kabesang Tales at marami pang iba ang maalab na kwento ng "Paghahari ng Kasakiman".